Stutta útgáfan:
Sannleikurinn um mál Harrys Quebert eftir Svisslendinginn Joël Dicker er fremur ómerkileg bók, ófrumleg og fullkomlega oflofuð. Hún er einn stór amerískur svakamálaþáttur yfirfærður á pappír og svo hræðilega illa stíluð að ég vil kalla hana smjörbókmenntir, þar sem flatneskja textans gerir lesturinn að fyrirstöðulausu bráðnu smjöri. Götin í plottinu eru óteljandi, en þau er ekki hægt að ræða hér án þess að afhjúpa söguþráðinn.
Til að gæta réttsýni, þá eru blaðsíður 225 og 527 ágætlega skrifaðar.
En hinar 680 blaðsíðurnar – Drottinn minn dýri! Hvers vegna er ekki betur hugsað um skóga heimsins.
P.S. Þýðingin er eins góð og hún getur orðið. Slakri bók verður ekki bjargað með góðri þýðingu.
RSS| Nóv. 2024 | ||||||
| S | M | Þ | M | F | F | L |
|---|---|---|---|---|---|---|
| 1 | 2 | |||||
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
Nýjustu myndir
Heimsóknir
Flettingar
- Í dag (21.11.): 0
- Sl. sólarhring:
- Sl. viku: 3
- Frá upphafi: 0
Annað
- Innlit í dag: 0
- Innlit sl. viku: 3
- Gestir í dag: 0
- IP-tölur í dag: 0
Uppfært á 3 mín. fresti.
Skýringar
Athugasemdir
Kannski er þetta óhjákvæmileg þróun. Þetta er eins og í veitingabransanum. Það bragðminnsta selst best. Sbr. t.d. Budweiser bjórinn, sem er ámóta bragðsterkur og óblandað vatn, eða Absolut-vodkað sem sló í gegn, enda nánast bragðlaust, að ekki sé minnst á kjúklinginn.
Þórhallur Birgir Jósepsson, 25.8.2014 kl. 10:40
Takk fyrir innlitið, Þórhallur.
Útvötnunin. Þetta er skemmtileg samlíking hjá þér. Hin fullkomna útþynning samtímans.
Annars er ofangreind bók máske frekar eins og smjör án brauðs. Eintómt viðbit og lítill súbstans.
Helgi Ingólfsson, 25.8.2014 kl. 10:45
Er nú nokkuð sammála þessu..söguþráðurinn varð allt meira og meira fáránlegur...Og bókin alltof löng, hefði verið skárri ef hún hefði verð 300 bls styttri.
Ósk (IP-tala skráð) 25.8.2014 kl. 23:05
Sæl, Ósk, og takk fyrir athugasemdina.
Hinn djúpspaki Harry Quebert segir Marcusi lærisveini sínum að þegar lokið sé við góða bók, þá handfjatli lesandi hana mjúklega og finni til djúps söknuðar vegna lestrarlokanna. Ef hún er virkilega góð.
Ég kastaði mínu eintaki önuglega á borðið og upplifði fyrst og fremst feginleika. Mér fannst fargi af mér létt.
Helgi Ingólfsson, 26.8.2014 kl. 00:45
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.